Ka pa duh tak H. Lallungmuana.avi

KA PA DUH TAK H. LALLUNGMUANA CHANCHIN TAWI

Hming : Lungmuana
Pa hming : Zolura
Nu hming : Rosemi
Pian kum : 12 October 1937
Pianna : Saitlaw

An unau hming
Lalngeni (L)
Upa H. Lallungmuana
Upa. H. Valbuanga
Lalrinawmi (L)






H. Lallungmuana hian pianpui unau ang chiah a en, a pa u Lalzuiliana fanu Lalbiakmawii a nei bawk a ni.

H. Lallungmuana hi a pa zolura hian nau pangte an nih lai-in (June 1940) a boral san a, a pian hmang leh a hmel pawh an hre chiang hman lo a ni, a pa-in a boral san lai hian an unau zing a naupang ber hi a nu hian a la pai mek a ni.

Kum 1958 October thla khan Ngekzikpuii D/o Tlangliana Saitlaw khaw nula nen innei in fa hi pakua an nei a, an fa upa ber dawttu erawh chu a pian hlimin a hming pawh phuah hman lohin a boral nghal a ni.

A fa te
Zoramthangi W/o Zohmingthanga
H. Zoramliana H/o Ngurthanpari
H. Lalzamliani W/o Sakhawliana
Laltanpuii (L)
Malsawmdawngkima (L)
H. Zothankhumi W/o Lalfakzuala
H. Lalthlamuana H/o Zorammuani
H. Lalthanhrilliana H/o Elizabeth Laledenthari

Kum 1963 khan in hrang changin, kum 1969 hma lam zawng khan Saitlaw ah hian an awm a, hemi kum hruaikhawm khan Hmunpui khuaah an pem ve a, hetah hian kum 1982 February thla thleng awmin, Aizawl lamah an pem leh ta a, Aizawlah hian Maubawk vengah awmin, hetah hian a thih ni thleng hian a awm ta ni.


Kohhran lamah chuan Isua Krista Kohhran ah a awm thinin, Aizawla a awm hnu hian Chruch of God Israel-ah a in pe a he an kohhranah hian Upa a tan a thlan a ni a, an kohhranah hian Pathian tan theihtawp chhuahin rawng a bawl thin a ni. A mah hi mi tawngtam ni lo mahse thian kawm thiam tak leh mite tan a in pe tak mai mi a ni.

Amah a hi mi tumruh leh taima tak mai a ni a, eng hna pawh thawk se, taima tak leh rinawm tak a thawk thin mi a ni a, Aizawl a an pem hnu pawh hian Ailawng ram leh Sairang lamah te lo nei chhun zawm zelin a hun a hmang thin a, a pum lam hi a sawi sel ve reng thin a, Doctor hnenah te in en tir in dam dawi nen a in en kawl a, heti chung hian hna a thawk zui zel a, kum 1991 khan a na a lo zual deuh a, a inentir leh chuan zai turin an lo ti ta a, hemi kum April thla hian a pumpui chu zai a ni ta a ni. Heta tang hian hna rum thawk thei tawh loin a theih ang ang in in chhungah hna thawk in, em te tahin a theih tawp a la chhuah zui a ni.

Kum 2008 September thla vel atangin in sawisel leh tanin a mah hi a lo chak lo tan leh Doctor hnenah pawh a inentir fo thin a, a that tak tak theih tak loh a vangin 3 November 2008 khan Aizawl Hospital and Research Center, Mission vengah Admit ani a, Doctorten ulak tak enkawlin a natna hi hmuh chhuah ngei tumin theih tawp an chhuah a, a natna hi cancer ni ngei an hriat thu an sawi a mahse duhanga chian a an hmuh theih loh a vangin Phai lama kal mai turin an rawn a. Amri Hospital Kolkata-ah refer a ni ta ni. 27 November 2008 khan AMRI Hospitalah hian dah luh a ni a, he hospitalah pawh hian a natna hi an hmu chiang mai thei bik lo a, vawi tamtak investigation tin nawn a ni a, ti chuan Pancreas Cancer a ni tih hriat chhuah a lo nit a a ni. Treatment te pe nghalin Chemo-therapy injection te pek a ni a 14 December 2008-ah Aizawlah an lo let leh a, Cancer a ni tih hi hriat tir nghal a ni a, mahse a mah hian, Cancer a ni tih a inhriat hian hlauhna leh chiai buai nei lovin a nupui fanaute chu a hnemtu zawkah a tang thei a ni. A Cancer chungchangah chuan he tiang hian a sawi thin, “Cancer ka vei avang hian ka zam lova ka lugngai bawk lova, Pathianin min awmpuia, Cancer ka nih avang hian zan khat pawh mu thei lovin ka awm ngai lo, a chang chuan cancer ka nih hi ka theih nghilh thin” a ti a ni.

AMRI Hospitalah hian vawi li lai kal pui a ni a, he mi hnu 16 May 2009 a tang hian in lamah enkawl zui a ni a, June thla chawhnu lam atang khan amah a lo chak lo tan a,Nazareth Hospital Chaltlangah lut lehin Doctor leh nurse ten duat takin an en kawl a, mahse that lam a pan tak tak theih loh a vangin in lam a inenkawl mai a duh avangin 4 July 2009 khan in lamah hawn pui leh a nit a a ni.

In lamah hian 6 July 2009 atangin Fairland Medical Helpline a Nurse duty te chuan theihtawp chhuahin leh Duat takin an enkawl zui ta a ni.

A mah hi chhung inkhawm te leh tawngtai hrim hrim te ngaina leh pelh lo mi a ni a, a na a han chhuah pawh hian damdawi a lam hma hian a chhungte zing a mi tu emaw ber hi tawngtai turin a ti ziah thin a, a chang chuan chau em em chung in amah ngeiin tawngtai na hun a la hmang hram thin a ni.

Han tha leh deuh thin mahse that chhuah tak tak awm tawh loin, 15 August 2009 Zing dar 7:00 khan a rawng a lo bawl thin a Lalpa hnenah Kumkhua a chawltawh turin ram a lo pan ta a ni.

Eizawnna lam chanchin he tiang hian a mah ngei in a sawi ( a indan hma):

Kum 1950- khawthlir bul kan nei a, phur 40 kan thar,

1951- kilen mual kan nei a, tin nga.5 ka tuh a, phur 220 kan thar. Kan la ram tang lo.

1952- kumin bellei mual kan nei a, tin 4 kan tuha phur 90 kan nei. Ka ram tang tawh.

1953- Hortoki kawng Lingli lui hnar kan nei a, buh phuar 150 kan thar.

1954, Buang aram tan kum ah Zolui kam kan nei a, buh phur 120 kan thar. Hlo a har avangin tin hmun kan ma.

1955-tuini khaw ram, bung mual kan nei a, tin 7 kan tuh a buh phur 260 kan thar , tin khat hmun a fur thlu a lak tur a awm lo.

Kum 1956-ah Ramthazawl kan neia, tin kua kan tuha, ni kang lam a kang tha lutuka a hmin tha lova, Phur 240 kan thar. Pa thanglianan a ngah ber a phur 300 a thar.

1957 ah Sertawkzawl kawng kan neia, tin 7 kan tuha phur 290 kan thar a, La 40 mound kan thar bawk.

1958 mautam sehsam kum a ni a, kan unau in lo kan neih hran kuma ani a, tin 12 kan tuha phur 190 kan thar. Buh a hlawk lova, mauhnuha tam hle a, kan hneh lo ani ber mai.

1959 mautam kum a ni a, Saiphal kam, saphai lui kam kan nei a, sazu nen kan in chuh a, phur 75, kawnglawng phur 10 kan thar.

1960 Mautam dam kum saphai lui hnar kan nei a, tai tin 12 leh buhpui tin 3 kan tuh a, kan tai a hmin tha vak lova, phur 150 kan nei a, buhpui phur 50, chhirthluk phur 10, buhban phur 10 kan nei bawk.

1961 kumin 1955 kum a kan lo hlui, bungmual kan nei a, buhpui tin 2 leh tai tin 4, bawngbuh tin 1 kan tuh a, bawngbuh a vui a nget a kan thar lo. Tai phur 70 leh buhpui phur 57 kan thar.

1963 ka indan kum, kar kawng neih kum buh phur 13 chauh kan thar. Buanga pawh engmah tham a thar lo.

HMANGAIHNA (Thlirna dang atangin)

Muana_hmar (2 April 2010)

Johana 3:16 Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan.

Khawvel eng hmu turin nu pum chhung a tangin kan lo piang chhuaka, kan chan hmasak ber chu Hmangaihna hi a ni awm e, duat tak leh hmangaihtak in min lo tuam hlawm thin a ni. khawi hmunah pawh awm ila hmangaihna awm lohna hmun chu hrehawm tak a ni, in hmangaih tlan dial dial na hmun a awm chu thil nuam tak leh thlakhleh awm tak a ni thung.

Hmangaihna tih hian kawng hrang hrang in a sawi theih ang, chhungkaw in hmangaihna te, nula tlangval in hmangaihna te, Pathian atanga chhuak hmangaihna te sawi tur a awm nual ang. A enga pawh hi kan dawn emaw kan chunga a awm chuan a nuam em em thin a ni.

Tun tum a ka sawi tum ber erawh chu, Pathian hmangaihna, mihringte tana hmangaihna Pathian a tang lo chhuak hi a ni. Pathian hian eng ang fakau in nge min lo hmangaih le! A fapa mihringte tlan nana a rawn hman mai le, he hmangaihna tluk a hmangaihna thuk hi a awm leh thei dawn em ni! he ti zawng hian ngaih tuah ta ila, Eden huan bawhchhiatna avang khan an chhia nen mihring te Pathian in min lo thlah liam tawh a, khawvel a cheng a, rim taka thawk a ei a in turin thu min lo pe tawh, kan kar ah khandaih vir zawk zawk in dai a lo dang tawh ani. Nimahsela, Pathian chuan a duhtaka a siam mihring te a hmangaihna chu a paih bo mai thei lo, chumi avang chuan hmangaihna zawng a hmangaihna ropui ber chu a lo chhuak ta a ni. Chu hmangaihna chu eng nge ni? Pa leh fapa inthenna thlen tir tu hmangaihna hi maw le! Kan Pathian chuan a fapa a duh tak, a lawm em em chu mihringte min tlan na turin a, khawvel eng a rawn hmuh tir ta.

Lal Isuan Khawvel eng a lo hmuh ni khan Vantirkohte khan eng tin nge a lo thlah kha “Chungnung berah Pathian ropui takin awm rawh se, Lei chunga a lawm em em mihringte hnenah rem thu leng rawh se,” an rawn ti ani. Chu ti kau a a hmangaih te tan chuan a fapa duh tak a lawm em em (Matthaia 17:5 “Hei hi ka Fapa duh tak, ka lawm em ema chu a ni; ama thu ngai rawh u,” ti a a sawi kha).chu a rawn tir ta ani. He khawvela a fapa duh tak lo kal ni khan Van tirh koh ten chawimawiin an rawn thlah a nih kha, khawvelah chuan Fapain eng angin nge hun a hman tih lam sawi ka tum lo, kan sual zawng zawng a phurh zia kan hria, sawi tam a ngai lo. Ka sawi tum tak zawk chu, Pathianin Min hmangaihna nasat zia a ni. A fapa dawt a sual tin renga an hek lai te khan en ang takin Pa rilru kha lo na ang maw? A van a dawn em! I fa / I unau / I chhungte zing mi tu pawh miin dawt in hekin sawisak tinreng tuara awm angina han ngaihtuah teh, I hre thiam mai ang, Pathian pawh in chutiang chuan a ngaih tuah ve ngei niin a lang tlat, a fapa a lawm em em in, sawi sak tin reng a tuar te, an nghaisakna te, a tawrh tur lakkian sak tura a dil te kha chu a la tuar hram hram thei a, nimahse la, Krossah an han khengbet a, a kin ta ti a a fa pa in a aw rawl an chhuah meuh chuan, Pa, Pathian meuh pawhin a tuar zo tawh lo, A mah an biakna Biak In Puanzar meuh pawh a ti thler a, chumai duh tawk lo in khawvel a nghin tir a, lungpui te meuh pawh a ti khi chat a nia, eng ang tak in Pa rilru kha na ang maw, Pathian meuh pawh in a fa pa thi tur chu hmu ngam loin ni he khawvel en tur a a siam Ni pawh a tithim daih anih kha. Hla Phuahtu pakhat chuan Puanzar ropui a lo thler a, Lungpui lo khi chat chu; Hmangaih Pathian a thinlungah chuan, eng angin na ang maw! Tiin a lo phuah chhuak hial a ni.

A nih leh chutikau a hrehawma A mah leh a fapa meuh pawh a tuar tir na chhan chu tu nge ni ta le? Nang leh kei hi kan lo ni a sin, a fapa in a ngen ngawih ngawih ngai leh venpui hial ngai khawp a a awm lai pawh a Fapa hawisan a i lam a lo hawisan daih nachhan kha enge ni? A hnen lam i pan leh theihnan leh, a hnen i thlen leh theihnan a ni. Kan tan Pa leh fapa in an tawrhna zawng zawng an hlen chhuah hnuah chuan he ti hian thu pek min pe ta ni. Thupuan 2:10 I tuar turte hi hlau suh:ngai teh, fiaha in awm theih nan diabola chuan in zinga mi thenkhat tan inah a khung dawn che u a ni; tin, ni sawm hrehawm in tuar ang. Thih thlengin rinawmin lo awm rawh, tichuan nunna lallukhum ka pe ang che. Tiin. He hmangaihna Pathian a tang a lo chhuak Pa leh fapa in kan tan a tawrhna te Chhang let tur chuan Chu min hmangaihna fapa thihna leh thawh leh na chu ring a, thih thlenga rinawm taka a tan nung turín min duh ve ta thung a ni. Ka unau engangin nge I chhan ve dawn le, Pathian hmangaihna mirhingte hnena lo luangchhuak chu!